Korrespondenca afariste

Gjatë mbajtjes së korrespondencës afariste dhe komunikimit të përgjithshëm me rekrutuesit, duhet të mbani llogari për kulturën dhe etikën e vendit ku vlerësoheni. Hulumtimi i këtyre vlerave dhe percepcioneve do t'i rrisë gjasat tuaja për sukses. 

Udhëzimet e përgjithshme:

• Prezantoni veten dhe cekeni qartë qëllimin e letrës tuaj, shpjegojeni qëllimin në qoftë se mendoni se është në dobinë tuaj (e njëjta vlen edhe për thirrjet telefonike).
• Jepni frymë personale letrës tuaj - përdoreni emrin dhe titullin e personit të cilit ia drejtoni letrën, shënojeni atë që e dini për këtë person, veçanërisht në qoftë se kjo ndihmon në thyerjen e akullit: e kaluara e përbashkët, shkollimi, përvoja e punës...
• Përshtatjani secilën letër kulturës dhe nevojave specifike të secilës kompani.
• Mbështetni deklaratat tuaja me fakte dhe shembuj. Nuk duhet të jeni servilë ose të bezdisshëm. 
• Jeni sa më të qartë që është e mundur: mos përdorni fjalë të gjata dhe komplikuara, shkruani paragrafë të gjatësisë mesatare dhe prezantoni informatat në mënyrë të shkurtër dhe precize. 
• Përdorni frymë aktive, jeni pozitiv në tonin, përmbajtjen dhe pritjet e cekura. 
• Respektojeni etikën e korrespondencës afariste (shikoni çështjet specifike të secilit vend). 
• Mbani stil të qëndrueshëm në tërë korrespondencën tuaj. 
• Çdoherë mbani kopje të letrave dhe mbani shënime pas bisedave telefonike.